Dudh kab aur kaise pina Chahiye – Dudh pine ke Niyam

Dosto, Dudh manusya Ki jivan me sabse mahatwapurna aahar mana jata he. Kyunki paida hote hi jo sabse Pehle Hamare sarir me bhojan ke Rup me jata he wo Dudh hi hota he.

 

Dudh ek animal product he jo hame jibit pasu se milta he. Isiliye Dudh me bahut matra me Hormones, Amino Acids aur Enzymes hoti he. Isiliye isse sahi chijo ke sath sahi samaye par khana bahut jaruri hota he.

 

Dudh apne Aap me ek sampurna aahar ke barabar he aur insaan keliye ese kayi posak tatwa he jo hame Dudh se milta he. Isiliye kaha jata he Ki jo log rojana Dudh nehi pite, unhe 40 Ki umra ke baad kayi Tarah ke health problems face karna padta he.

 

Dudh kab aur kaise pina Chahiye - Dudh pine ke Niyam

 

  • Badhti umra ke bachho Ko Dudh abasya pina chahiye. Dudh ka sarir par sahi Tarah ka asar ho ish keliye Dudh se jude hue niyam ke bare me Sabhi Ko janna chahiye.

 

  • Kayi logo Ko regular Dudh pine ke babjud sarir me iska koi asar nehi hota aur kuchh logo Ko to Dudh thik Tarah se pachta hi nehi.

 

  • Ese bahut se chije he, jise Dudh pine se Pehle ya bad me agar khaya Jaye to hone wale chemical reaction ka asar Hamare sarir keliye behat hanikarak bhi ho sakta he.

 

  • Ese bahut bimari he jinka karan Dudh ka Galat samaya par aur Galat chijo ke sath khana Ko mana jata he. Pet, Pachan, Pesab aur twacha ke rog Dudh ka Galat tarike se seban karne se hota he.

 

  • Isiliye jitna jaruri Hamare liye Dudh pina he, ushe se jyada jaruri iske niyam he. Agar Dudh Ko thik matra aur thik chijo ke sath seban kiya Jayega to kebala Dudh hi insaan Ko lambe samaye tak nirog bana sakta he.

 

Aaj ham janenge

 

1. Dudh ka kis samaye par aur kese seban karna chahiye ?
2. Kin chijo ke sath Dudh ka seban nehi karna chahiye ?
3. Alag alag bimari keliye Dudh Ko dawai Ki Tarah kese istemal kiya Ja sakta he ?
4. Dudh Ko pachane keliye kya kare ?

Dudh Ko kab seban nehi karna chahiye ? :-

 

  • Dudh apne Aap me ek pura bhojan hota he. Isiliye bhojan ke baad Dudh nehi pina chahiye. Dudh Ko pachne me kafi samaye lagta he. Isiliye bhojan ke baad agar Dudh piya Jaye to pet jyada bhari lagta he aur khana pachne me problem hota he.

 

  • Dudh pine ke baad ya Dudh pine ke Pehle khati chij jese Ki nimbu, achar, chatni Adi ka seban kabhi na kare. Aur sath hi namkin chatpati masaledar chij ka seban bhi mat kare.

 

  • Dudh aur ese chij apas me milne Ki Vajah se reaction hota he aur pet kharab hone Ki chance rehti he. Pet se awaj ana, khana na pachna, gas, acidity, pet phulna, blotting aur pet dard jesi samasya Dudh ke sath khati chije aur namkin chije ka istemal karne Ki Vajah se hota he.

 

  • Dudh ka chemical compound pyaj aur bengan ka Virodh bhi hota he. Agar Aap bhojan me bengan ya kachha pyaj ka istemal karte he, to kamse Kam 2 ghante bad hi Dudh ka seban kare. In dono ke sath Dudh ka misran hone se skin problem ho sakta he.

 

  • Esa mana jata he Ki machhli Khane ke baad agar Dudh pi li Jaye to twacha me safed daag ho sakta he. Machhli aur non veg ke sath Dudh ka seban kabhi bhi nehi kiya Ja sakta. Dudh aur non veg ek sath Khane se Pachan ke problem ho sakte he.

 

  • Dudh me Jab Dahi milaya jata he to Dahi Dudh ke sath chemical reaction karke ushe bhi Dahi bana deta he. Isiliye agar ham dono ka istemal ek sath karte he to Hamare pet me ye prakriya shuru ho jata he. Jisse Hamare Pachan me gadbadi hone ka chance bahut rehta he.

 

Dudh kab aur kese pina chahiye ? :-

 

 

  • Dudh pine ka sahi samaye raat Ko mana jata he. Dudh me tryptophan namak amino acid hota he. Jo body Ko shant karke achhi neend Lane keliye madat karta he.

 

  • Raat bhar ke lambe antral me Jab ham kuchh nehi khate to Hamare sarir me Dudh ka asar sabse jyada hota he. Jo log raat Ko Dudh pite he, unka subah pet khul kar saaf hota he.

 

  • Din me Dudh pine se isme mahjud Sabhi nutrient hame nehi milpate. Raat me Dudh ka seban karte samaye khana Kam rakhe aur Khane ke 2 ghante baad hi Dudh piye.

 

Dudh kese piye ? :-

 

 

  • Agar aapka vajan jyada he ya thik he to gaye ka Dudh pina thik hoga. Agar Aap patle he to ese me apko bhensh Ki Dudh pini chahiye. Takat aur posak tatwa ke najariye se agar dekha Jaye to gaye ka Dudh bhensh ka Dudh se achha hota he.

 

  • Kyunki iska asar Hamare dimag, hadi, baal aur skin par bahut teji se padta he. Isiliye hamesa gaye ka Dudh hi piye aur gayo me bhi agar Aap desi gaye ka Dudh pi sakte he to apke sarir keliye yeh sabse achha he.

 

  • Desi gaye ke Dudh sabse healthy, low fat aur high energy Ki hoti he. Desi gaye ke Dudh thoda mehanga hota he lekin Hamare sarir keliye yeh amrit se Kam nehi.

 

  • Dudh kabhi bhi thanda na piye. Kyunki ese bhi Dudh ka pachna bahut muskil hota he. Aur jab ham thanda Dudh pite he to yeh pachna bahut muskil hota he.

 

  • Dudh ko halka garam stiti me seban kare. Dudh pite samaye sehad ya misri ka hi istemal kare. Isme kabhi bhi chini ka istemal nehi karna chahiye. Dudh kebala bachho Ko nehi balki har umra ke logo Ko pina chahiye.

 

Agar Aap ish post me bataye gaye sare rules mante he to Dudh ka sahi labh pane ke sath sath Aap lambe samay tak nirog reh sakte he.

Iske sath ish post Ko friends aur family ke sath share kare. Aap fb aur WhatsApp ke madhyam se bhi share kar sakte he. Dhanyawad

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.